Иван Тимофеевич Гуляев-Уйбаан Чагдаайы 1949 с. Уус Алдан оройуонун Өспөх нэһилиэгэр “Чагдаайы” холкуоска төрөөбүтэ. Кини өр сылларга тутуу биригээдэтигэр, онтон да атын үлэлэргэ үтүө суобастаахтык үлэлээбитэ. Билигин бочуоттаах сынньалаҥҥа тахсан, Найахы нэһилиэгэр олорор. Кэргэнэ Анна Михайловналыын үс оҕолоохтор, элбэх сиэннээхтэр. Найахы нэһилиэгин биир ытыктанар сис ыала. Хоһоонноро “Чолбон” сурунаалга бэчээттэмиттэрэ. Кинигэ ааҕарын, айылҕаҕа сылдьарын, балыктыырын сөбүлүүр.