1948 с. ахсынньы 17 күнүгэр Уус-Алдан Дүпсүнүгэр күн сирин көрбүтэ. 1969 с. Дьокуускайдааҕы 2 нүөмэрдээх педагогическай училищены ситиһиилээхтик бүтэрэн, Чурапчы улууһун Сылаҥ нэһилиэгин оҕо саадыгар иитээччинэн анаммыта. Салгыы Дьокуускай к. 51 нүөмэрдээх «Кэскил» оҕо саадыгар, онтон 1977 с. дойдутугар Дүпсүҥҥэ саҥа оҕо тэрилтэтэ арыллан, онно сэбиэдиссэйинэн анаммыта. 1981 сылтан Найахы оҕо саадыгар сэбиэдиссэйинэн 2005 с. диэри айымньылаахтык үлэлээбитэ. Евдокия Степановна Саха Өрөспүүбүлүкэтин Үөрэҕириитин туйгуна, Найахы нэһилиэгин Бочуоттаах олохтооҕо, педагогическай үлэ бэтэрээнэ. Иллэҥ кэмигэр сахалыы оҥоһуктары, киэргэллэри олус тупсаҕайдык оҥорор, оҕуруот аһын үүннэрэн, оҥолорун-сиэннэрин доруобай аһынан хааччыйар. Скандинавскай хаамыынан дьарыгырар, чэбдик олоҕу көҕүлүүр.
Евдокия Степановна Решетникова
1948 с. ахсынньы 17 кµнµгэр Уус-Алдан Дµпсµнµгэр кµн сирин к³рбµтэ. 1969 с. Дьокуускайдаа±ы 2 нµ³мэрдээх педагогическай училищены сити´иилээхтик бµтэрэн, Чурапчы улуу´ун Сыла² нэ´илиэгин о±о саадыгар иитээччинэн анаммыта. Салгыы Дьокуускай к. 51 нµ³мэрдээх «Кэскил» о±о саадыгар, онтон 1977 с. дойдутугар Дµпсµ²²э са²а о±о тэрилтэтэ арыллан, онно сэбиэдиссэйинэн анаммыта. 1981 сылтан Найахы о±о саадыгар сэбиэдиссэйинэн 2005 с. диэри айымньылаахтык µлэлээбитэ. Евдокия Степановна Саха £р³спµµбµлµкэтин ¥³рэ±ириитин туйгуна, Найахы нэ´илиэгин Бочуоттаах олохтоо±о, педагогическай µлэ бэтэрээнэ.
Доҕоруом, эн үтүө ааккар аныыбын…
Сиппит саас таптала сипсийэн
Иккиэммит сүрэҕин кууспута.
Дьылҕабыт бэлэҕин ылынан,
Аал уоту оттунан олоорпут, доҕоруом.
«Доҕоор» диэн истиҥник ыҥырсан,
Отуттан тахса сыл устата
Олорон кэллибит дьоһуннук
Өйдөһөн-өйөһөн бу сиргэ.
Өссө да өр кэмҥэ олоруох буолбуппут.
Сырдыгы, кэрэни кэрэхсии,
Кырдьар саас биһигэр бигэнэ.
Ол бэйэҥ сүрэхпин хаанынан ытата,
Көмүскэм уутугар муннара,
Быраҕан бардыҥ дии, муннара
Олорбут олоххун сыымайдаан.
«Олус да үчүгэйдик олорбут
Эбиппит эн биһи» - диэбитиҥ.
Астыммыт санааҕын түмэҥҥин.
Таптыаҕым доҕоруом, эйиигин,
Аттыбар баар курдук санааммын.
Дьылҕа-хаан ыйааҕын толорон
Тиийиэҕим эйиэхэ, ахтылҕан аргыстаах.
_____________________________________________________________________________
Дьыл хайа да кэмиттэн
Долгуйа күүтэриҥ, кэтэһэриҥ
Сандал саас эмиэ эргиллэрин.
Оччоҕо сүргэҥ көтөҕүллэн,
Сэргэхсийэн, сэгэлдьийэн,
Тэринэн-хомунан,
Оҕолоргун батыһыннаран,
Айанныырыҥ ахтылҕаннаах Хоту Эбэҕэр.
Онтон мин арыылаах алаадьынан
Эһэкээммин айах тутан
Эйиигин атаарар буоларым.
Дьэ, манна көрсүһүү,
Дугдаҕар сытаҥҥын,
Айылҕа уһуктар кэрэтин,
Илиҥҥи саҕахтан күн сандааран тахсарын,
Нуурал чуумпуга күөрэгэй
дьырылыыр ырыатын,
Эбэни толорор кус-хаас тойугун,
Мутукча мүөттээх дыргыл сытын.
Айылҕа бу абылыыр дьикти
туругар куустаран,
Дууһалыын дуоһуйа астынарыҥ.
Айылҕалыын алтыһан,
Үөрэн-көтөн кэлэриҥ
Эчи күндүтүн эбитин, доҕоруом…
Эһээбит Иван Михайлович Гоголев сырдык кэриэһигэр
Кырдьаҕас ийэлээх аҕаҕын,
Кыыстаах уол оҕоҕун,
Тапталлаах кэргэҥҥин
Кэннигэр хаалларан,
Уодаһыннаах өстөөҕү
Утары кыргыһа
Уоттаах сэриигэ тылланан барбытыҥ.
Өр да өтөр буолбакка,
Арҕааҥҥы фронтан
Алдьархай аргыстаах,
Аһыы-аба көтөллөнөн,
Хара суруктар хотоҕостуу субуллан,
Хас алаас, хас дьиэ
Ааннарын аһаннар,
Кииртэлээн баартара.
Кырдьаҕас Мэхээчэ оҕонньор
Самнархай балаҕан
Көмүлүөк иннигэр
Соҕотох оҕотун сүтэрэн,
Санааҕа баттатан,
Сөҥүөрэн олоорто.
Утумун ууһатыах
Кыыстаах уол сиэннэрин
Атахтарыгар туруорар
Кытаанах санааны ылынан,
Аал уотун иннигэр
Кэс тылын эппитэ.
Ол кэннэ сэттэ уон сыл
Субуллан аастаҕа.
Саханы саргылыах
Хаарыаннаах ыччаттар
Сири кытта сир буолан,
Симэлийэн сµттэхтэрэ.
Улуу Кыайыы 74 сылыгар
Кырдьаҕас Тверь куорат таһыгар
Көмүс уҥуоҕун көмүллэн сытарын
Ирдэһэн булбута сиэн кийиит.
Бүгүҥҥү олохпут үөрүүтүн туһугар
Олоөун биэрбит
Хаһан да харахтаан көрбөтөх
Эһээ Уйбаан иннигэр
Төбөлөрүн хоҥкутан,
Санньыйан турдулар.
Сиэн уол, сиэн кийиит,
Эн төрдүс көлүөнэ ыччатыҥ -
Хос сиэн кыргыттар
Буор куккун уоскутан,
Куттулар сүүрбүт-көппүт
Кырдалыҥ буоруттан.
Уурдулар сибэкки дьөрбөтүн
Хаан уруу дьонуҥ аатыттан.
Эрэнэбин мин, Эһээ Уйбаан
Дууһата уоскуйан,
Көлүөнэттэн көлүөнэҕэ
Утума салҕанан баран иһиэҕин билбитигэр.
2015 сыл.
