- Информация о материале
- Автор: Super User
Иванов Николай Николаевич 1924 сыл ыам ыйын 20 күнүгэр Нам улууһун Арбын нэһилиэгэр төрөөбүтэ. 1943 сыллаахха сэриигэ барбыта. Онно тиийэн, бастаан үөрэтэн баран, Илиҥҥи боруоҥҥа ыыппыттара. Японияны босхолооһун 1945 сылга диэри сулууспалаабыта. Ол кэнниттэн 1947 сылга диэри аатырбыт «Катюша» харабылыгар сылдьыбыта. Аҕа дойду сэриитин II истиэпэннээх уордьан кавалера. Дойдутугар кэлэн холкуос, сопхуос үлэтигэр үлэлээбитэ. Дүпсүнтэн төрүттээх Рожина Дария Николаевнаны кэргэн ылан, 3 оҕоломмута. Кэлин оҕо саадыгар оһох оттон биэнсийэҕэ тахсыбыта. Билигин Уус – Алдан улууһун Найахы нэһилиэгэр кыыһыгар кэлэн олорор, сиэннэрдээх, хос сиэннэрдээх. Кыайыыны аҕалсыбыт ытык кырдьаҕас ыам ыйыгар 99 сааһын бэлиэтиир.
Наҕараадалара:
1985 с – «Аҕа дойду сэриитин» ордена; 1985 с – «Улуу Кыайыы 40 сыла» мэтээл; 1987 с – «Ветеран труда» мэтээл; 1988 с – «70 лет ВС СССР» юбилейнай мэтээл; 1994 с – «За доблестный труд в ВОВ 1941-45 гг» мэтээл; 1995 с - «Улуу Кыайыы 50 сыла» мэтээл; 1995 с – « 50 лет Победы советского народа в ВОВ 1941-45 гг» мэтээл; 1996 с – «Медаль Жукова»; 2000 с – «Фронтовик 1941-45» знак; 2005 с – «Улуу Кыайыы 60 сыла» мэтээл; 2005 с – «Победитель» знак; 2014 с – «Долгожитель Усть-Алданского улуса» знак; 2015 с - «Улуу Кыайыы 70 сыла» мэтээл; 2015 с – «70 лет Победы» знак; 2015 с –«Кыайыы 70 сыла» мэтээл; 2015 с – «Ветерану ВОВ 1941-45 гг» знак; 2017 с – « 100 лет Великой Октябрьской социалистической революции» мэтээл.
Ветеран туһунан сиһилии билсиҥ -
Подробнее: Аҕа Дойду сэриитин кыттыылааҕа Иванов Николай Николаевич
- Информация о материале
- Автор: Super User
Бүгүн И.И.Гоголев Дыргыабай аатынан Найахы орто оскуолатыгар Россияҕа биллэриллибит Педагог уонна Уһуйааччы сылын аһыллыыта олус истиҥник, өрө көтөҕүллүүлээхтик ааста. Биһиги оскуолабытыгар, "Чэчир" оҕо тэрилтэтигэр араас сылларга үлэлээбит 22 бэтэрээн учууталлары, иитээччилэри капитальнай өрөмүөннэммит, сырдык, сылаас оскуолаҕа үөрэнээччилэр, эдэр учууталлар эҕэрдэлии көрүстүлэр. Оскуола директора Мирияна Сивцева үөрэх кабинеттарын, анал стендэлэри көрдөрөн, үлэни- үөрэҕи сырдатта. Үөрүүлээх чааска үөрэнээччилэр , учууталлар хордарын кытта оскуола гимнин ыллаатыбыт. Дьоро күҥҥэ Саха АССР үтүөлээх учуутала, РСФСР үөрэҕириитин туйгуна, "Уус-Алдан улууһун уһун үйэлээҕэ" бэлиэ хаһаайына, Найахы нэһилиэгин бочуоттаах олохтооҕун Анна Никифорованы 90, РФ үөрэҕириитин бочуоттаах ветеранын, СӨ үөрэҕириитин туйгунун, Найахы нэһилиэгин бочуоттаах олохтооҕун Аграфена Васильеваны 75 саастарынан эҕэрдэлээтибит. "Уоланнар" уус-уран ааҕыы бөлөх, бэлэмнэнии группа оҕолорун хоһооннорун, Тая Рожина эҕэрдэ ырыатын сэргээтибит. Ветеран наставниктарга анал лиэнтэлэри, үөрэнээччилэр оҥорбут " Өркөн өй" бэлиэлэрин, сибэкки дьөрбөтүн бэлэх ууннулар. Оскуола, оҕо саадын иһинэн уһуйааччы уонна уһуйуллааччы бөлөхтөрүн билиһиннэрдилэр, лиэнтэлэри туттардылар. Оскуола директорынан үлэлээбит РСФСР үтүөлээх учуутала, "Гражданскай килбиэн" бэлиэ хаһаайката, Уус-Алдан улууһун, Найахы нэһилиэгин бочуоттаах олохтооҕо Мария Винокурова, "Чэчир" оҕо саадын сэбиэдиссэйинэн үлэлээбит СӨ үөрэҕириитин туйгуна, Найахы нэһилиэгин бочуоттаах олохтооҕо Евдокия Решетникова ветераннар ааттарыттан кэнчээри ыччакка, учууталларга, иитээччилэргэ алгыс тылларын анаатылар. Үөрүүлээх тэрээһин итии чэйдээх сандалы тула истиҥ сэһэргэһиинэн, ахтыыларынан түмүктэннэ. Светлана Петрова ветеран учуутал, Найахы
- Информация о материале
- Автор: Super User
7 мая в мемориальном комплексе села Балыктах Наяхинского наслега Усть-Алданского улуса состоялась церемония перезахоронения останков воина Ивана Федоровича Сивцева, погибшего в 1943 году в боях на Курской Дуге.
Останки солдата нашли в ноябре прошлого года члены благотворительного военно-патриотического Фонда "Застава Святого Ильи Муромца" во время поисковых работ на территории Троснянского района Орловской области.
Подкатегории
Страница 3 из 5
